لحظة وداع

لحظة وداع
وانا بين ايديكى
باودع الدنيا فى عنيكى
وباحلفك تفتكرينى
وبدقات قلبك تسمعينى
بلحظة واحده
عشت الدنيا اكتر من زمان
وفى حضنك
حسيت بالامان
نسيت حتى الوداع
و اتمنيت تطول الثوانى
حتى لو الالم كان انسان
بترجاه يعيش واعيش
انا زى زمان
لحظة وداع اتمنيتها
وانا عارف ان الفراق مكتوب
اتمنيت اعيش خوفك عليا
حتى لو فاضل من العمر يا دوب
تضمينى فى حضنك
وعنيكى فى عنيا
خايفة لتكون الثوانى الاخيرة ليا
واضم اديكى من تانى
وعنيا تتلهف ع الثوانى
نسيت حتى لحظات الوداع
نسيت دموعك
نسيت كلامك
وافتكرت حبك ليا
حبيبتى
لو شفتى دموعى
اعرفى ان الحب انكتب
فى عنيا
ولو حسيتى بالخوف
حسى بروحى تحرسك
وانا غايب عن الدنيا
اعرفى انك من زمان سرقتى روحى
لما انكتبتى ليا
احضنينى
ضمينى
فى الثوانى اللى فاضلة ليا
وخلى عنيكى فى عنيا
حبيبك بيودعك
ويودع الدنيا