آه من جرحك يا حبيبى

وآه

من كل تنهيده

وآه

لما تنزل دمعه حزينه

تحكى وترسم صورة حب

وقلب راح فى دنيا بعيده

وآه من جرح اتحفر فى قلب برىء

ياخسارة كان شايف ان الحب طريق

وعاش علشان يحب فى بحر غريق

وضاع وضاعت احلامه

وطريقين اترسموا قدامه

واختار البعاد

علشان من زمان اتعلم وعرف

ان الحب مش ممكن يكون اوهام

واللى يحب الخيانة

عمره ما يكون انسان

وافتكرت زمان

مش قادر اصدق كل اللى كان

قولتيلى بحبك ودمعة كانت فى عينيكى

وحضنتينى

وسمعت دقات قلبك بعينيكى

وافتكرتينى

حتى الاسامى كتبناها

ونجوم السما رسمناها

وحلفنا ليكون حبنا امانه

واخترتى تبيعى

القلب رمتيه

والعشق خنتيه

والماضى بعتيه

وفاضل ايه تانى

هو الحب كده عندك

وردة نفسك تشوفيها

تحضنيها .. تحبيها

وترويها حنان

وياريته كان صادق

وفى الاخر تموتيها

تدوسى عليها

ومش عارف ليه باحبك دلوقتى

بعتى حبى وحبك لسه فى قلبى

اختارتى تبيعى

وتضيعى اللى كان بيضحى