وابتدا الحب

ابتديت اعيش سحر عيونك

فى لمحة وقصة حب

وابتسامة طيرتنى بعيد

وانا قلبى مليان تنهيد

وجريت اكون دوا وعاشق

وناديتى عليا باسمى وسط الارض والناس

وعنيكى تاخدنى فى حضنك

ونسيت انا مين

نسيت اسمى ايه

افتكرتك بس انتى عايزانى

وقلت حب ابتدى

وقلبى قدامك

وليه كنت انامن وسط العيون كلها

وسمعت صمتك وتنهيدك

ودقات قلبك

لا يا حبيبتى ما تخافيش

حبنا لازم يعيش

وهو صحيح ابتدا

ضمينى كمان ولفينى

وخلينى اكون سحر عنيكى

خلينى اعيش واعيش

وافتكر انك قصة حبى

انسى عزابى وغلبى

ولسه باسمع صوتك

بتنادى على مين

صحونى الناس وانا بادور عليكى

وفى الحلم ماسك ايديكى

راحت فين اللى باحبها

وقلبى راح فين

وكل يوم فى نفس المكان استناكى

وانادى على قلبى اللى معاكى

يا حبيبتى عزابى طال فى هواكى

ولمحتها وجريت عليها اقولها

انتى كنت فين

انتظرتك فى سكة العاشقين

وسهرت الليل اسأل نفسى انا مين

واخدتها فى حضنى

ومسكت قلبى وقلبها

واخاف من الفرحة تخونى

وخليكى فى قلبى وقربى

وهاعيش بيكى زمانى

وهاحلم ..

والقلب لسه بيحلم