Falling hearts Here
ساعات باعرف الحب
من قلب يضيع فى غمضة عين
ساعات باعرف انا مين
من غدر يقتلنى
ويقتل حب عاش سنين
ساعات اعرف اللى حبيته
بعد غياب سنين وسنين
من يادوب شعر ابيض ع الجنبين
ودمعه مرسومه على رمشه الحزين
وافتكر ساعتها
اد ايه كان الحب غدار
اد ايه كان حبيبى ماسك النار
وليه راجع تختار
القلب مات فى حبك وضاع
ورحلة سنين اختفت
واترسم مكانها الضياع
ويا خسارة راجع تفتكر
عايزك يا حبيبى تعرف
اد ايه حب ممكن يحيى
قلب مسكين
اد ايه ممكن نكون عاشقين
لكن مش بعد سنين
بعد ما مات القلب الحزين
والجرح انطوى
واترسم فوق الجبين
والزمان حكى القصة
ومات ياخسارة قلب
مش قلبين
0 التعليقات:
إرسال تعليق